Шокатни снимки деновиве пристигнуваат од Чиле, каде се протестира за зголемувањето на цената на јавниот превоз.
Војската излезе на улица за да ги спречи протестите кои станаа насилни, а како што пренесуваат светските агенции и пукала во демонстрантите.
Последните официјални информации велат дека се загинати најмалку 15 лица. Според властите дел од нив се загинати во пожари или при грабежи на трговски центри во Сантјаго и други населени места, а три лица се застрелани.
Повредени се над 240 лица, меѓу кои и полицајци и војници, а приведени се над 2.200 лица.
Протестите започнаа поради зголемувањето на цената на билетите за метрото во главниот град Сантијаго – одлука која претседателот на државата подоцна ја повлече. Сепак, протестите продолжија, поттикнати од народното незадоволство од економските и социјалните услови во земјата и нееднаквоста.
Фото/видео: Ruptly/HellBentForLeath3r/You tube/Guardian News