Царинската управа деновиве распиша оглас за вработување на 58 лица на различни локации во земјава, а меѓу нив и тројца цариници во отсек за патнички промет во царинска испостава Аеродром Александар Велики Скопје, виш цариник во отсек стоков промет во царинска испостава Аеродром Александар Велики Скопје и цариник во отсек стоков промет во царинска испостава Аеродром Александар Велики Скопје во царинарница Скопје.
Се наметнува прашањето дали во Царинската управа намерно не ја почитуваат владината одлука за преименување на аеродромот од почетокот на годинава кога беше соопштено дека новото име е Меѓународен аеродром Скопје (Skopje International Airport) или пак станува збор за ненамерен пропуст на службениците кои ги распишуваат огласите.
Како и да е овој пример покажува каква е ефикасноста на институциите при спроведувањето на владините одлуки.
Инаку, промената на името на аеродромот и автопатот беше најавено од премиерот Зоран Заев на 24 јануари по средбата со грчкиот премиер Алексис Ципрас на Светскиот економски форум во Давос.
Скопскиот аеродром беше преименуван во „Александар Велики“ на 27 декември 2006, со владината одлука, на чело со тогашниот премиер Никола Груевски. Всушност, со таа одлука почна процесот кој во македонската јавност е именуван како „антиквизација“ на Македонија.
ПОВРЗАНИ ВЕСТИ
Царинската управа распиша оглас за вработување на 58 лица
Фото: ТАВ Македонија