Градоначалникот на Општина Чешиново Облешево, Горанчо Крстев, кој е првиот функционер заразен со Ковид-19 во гостување во емисијата „Топ Тема“ на телевизијата Телма, рече дека се чувствува добро, но и дека има дезинформации низ Општината за кои тој реагирал и пријавил во полиција.
Крстев рече дека слушнал дезинформации дека за него се зборува дека починал и дека се уште полицијата нема превземено никакви активности против лицето, иако, како што рече, има закон за ширење на лажни информации.
Тој рече и дека пред неколку дена се тестирале и неговите деца. Тестовите биле негативни, како и на еден од вработените во Општината, а се очекуваат резултатите од останатите вработени.
Тој е во самоизолација повеќе од 12 дена.
ПОВРЗАНИ ВЕСТИ
Кај 76,4% од починатите од Ковид-19 во Македонија регистрирана хронична и здравствени состојби
30,6% од заразените со Ковид-19 во Македонија без симптоми
(Табела) 38 починати од Ковид-19 во Македонија, најмногу во Куманово
Фото: Фејсбук/Крстев