еМагазин
Image default
Бизнис ТОП СТОРИИ

За тројца членови на Управниот одбор на УНИ Банка лани надоместоци од 555.000 евра

На тројцата членови на Управниот одбор на УНИ Банка во текот на минатата година им биле исплатени вкупни надоместоци од 34 милиони денари или околу 555.000 евра, покажува годишниот извештај за работењето на банката објавен преку Македонската берза.

Од вкупниот износ, по основ на фиксен надоместок им биле исплатени 28,7 милиони денари, а по основ на варијабилен надоместок добиле 5,3 милиони денари.

Од банката објаснуваат дека во фиксниот надоместок се подразбираат надоместоците што ги добива вработениот чиишто услови за исплата и за определување на нивната висина зависат од претходно утврдени критериуми и не зависат од успешноста во работењето (плата, паушал и др. надоместоци согласно закон).

Фиксниот дел од вкупниот надоместок треба да е значително повисок, односно варијабилниот дел не смее на годишно ниво да надмине 100% од фиксниот дел од вкупниот надоместок исплатен на секој вработен или член на орган на банката.

Во варијабилниот надоместок се подразбираат сите надоместоци коишто не се сметаат за фиксен дел од надоместокот и зависи од долгорочната успешност во извршувањето на работниете задачи од страна на вработениот (парична исплата, бонус, обука во земјата или странство, користење автомобил за лична употреба и др.).

„Варијабилниот надоместок се исплаќа само во зависност од целокупната финансиска состојба на Банката и се заснова согласно работењето на Банката, организационата единица која е вклучена, и поединецот на кој се однесува“, се вели во извештајот.

ПОВРЗАНИ ВЕСТИ

Коста Митровски веќе не е главен извршен директор на УНИ Банка

УНИ Банка за три месеци оствари добивка од 47 милиони денари

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Макпетрол“ го доби тендерот на „ГА-МА“ за набавка на пророден гас вреден 575.000 евра

Редакција

Аплицирајте: Објавен повик за бескаматни кредити на фирми од угостителството, туризмот и товарниот транспорт

Редакција

Комерцијална банка ја „тресе“ берзата: Продаден блок од 10.000 акции за 51,5 милиони денари

Никола Осило