Првиот случај на заболен со коронавирусот од Тетово, маж кој има 69 години, е неподвижен, потврди на денешната прес конференција министерот за здравство, Венко Филипче.
Тој информираше и дека две недели пациентот се лекувал во Заводот за рехабилитација во скопско Козле од мозочен удар, а било откриено дека е позитивен на коронавирусот откако бил отпуштен од Заводот и бил префрлен на Инфективна клиника во Тетово.
Познато е и дека не патувал во странство.
Моментално се наоѓа на Инфективната клиника во Скопје.
Бидејќи е неподвижен, логично се отвара прашањето како се заразил. Дилема е и дали имал или немал посети додека бил во Заводот.
Филипче рече дека според негови информации, пациентот имал посета, но ако не така ќе биде интерсно да испита случајот.
„Доколку се покаже дека човекот немал посета од надвор, тоа би можело да биде првото автохтоно жариште. Но, според моите информации, тој сепак примил посета додека бил во болницата“, рече Филипче.
По овој прв случај во Тетово, тестирани се 14 лица, медицински персонал во Заводот и четворица пациенти, а Заводот моментално не се затвара.
Десетина члена на семејството исто така се тестирани.
ПОВРЗАНИ ВЕСТИ
Маж од Тетово на 69 годишна возраст, прв случај на заболен со коронавирусот во Тетово
Од следната недела ќе има пошироко мобилно тестирање на граѓани како превенција од корона вирусот
Фото: Општина Тетово