еМагазин
Image default
Македонија

Заев: Ако бев јас на местото на пратеничката Фросина Ременски ќе се повлечев

Отставката од општествената функција е личен чин. Ако бев јас на местото на пратеничката Фросина Ременски ќе се повлечев и ќе чекав да го докажам тоа и да се вратам на голема врата како херој, изјави премиерот Зоран Заев во емисијата „24 Отворено“ на телевизија 24.

Прашан зошто не побарал отставка од Ременски од пратеничката функција, Заев рече дека тоа е нејзино право и таа е директно бирана од граѓаните.

– Таа е добредојдена да се врати во централниот и извршниот одбор на СДСМ чим и се докаже нејзината невиност, изјави Заев.

Од истите причини, односно почитување на пресумцијата на невиноста, вели тој не се откажал од генералниот секретар на Владата, Драги Рашковски и вицепремиерот Бујар Османи.

Посочи дека случајот „Рекет“ е констатиран како практична имплементација на реформите во правосудството, каде секој е еднаков пред законот и каде обвинител може да биде во притвор и тоа Европа го препознава.

– Овој случај јас го пријавив. Не ме интересира кој ќе излезе. Овој случај за три месеци, почна истрага и заврши истрага. Каде се другите случаеви? За кои што крвавев и вадев бомби. Каде се да се реализираат. Ги предизвикувам и обвинителство и судство, треба да ги реализираат тие случаеви. Нека донесат пресуди, нема аргуементи и докази – невини, има аргументи и докази – виновен. Ова ќе ја промени состојбата во државата, ако секој носи одлука таму каде што е платен, изјави Заев.

Тој рече дека нема нема индиции за вмешаност на други луѓе од владата во аферата „Рекет“, иако биле гости во телевизијата каде наводен сопственик беше Бојан Јовановски-Боки 13, првоосомничениот во случајот.

ПОВРЗАНИ ВЕСТИ

Телма: Фросина Ременски го сменила телефонот четири дена пред отварањето на „Рекет“

Кревети на Катица Јанева и мебел, гардероба и чанти на Боки 13 одат на продажба

Фото: Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Заев го осуди нападот врз Бислимоски

Редакција

Нови 432 случаи на Ковид-19 од 2.663 тестирања, бројката на активни е 8.334

Редакција

Груевски, Јанакиески и Пешевски на суд: Нови рочишта за „Траекторија“ и „Тарифа“ на СЈО

Редакција