еМагазин
Image default
Македонија

Заев: Јас и Мицкоски не сме правници за да дебатираме за предметите на СЈО

Во членот 105 од законот за јавно обвинителство се дефинира иднината на предметите што се составен дел на истрагите и предистражните дејствија на Специјалното јавно обвинителство (СЈО). Јас и Мицкоски не треба да одлучуваме за иднината на предметите. Одлуката треба да ја донесе правниот систем, односно обвинителство и затоа треба да стои во законот, рече премиерот Зоран Заев на денешната прес-конференција одговарајќи на новинарско прашање.

Додаде дека опозицијата сака да се уништат овие предмети.

– Така ли ќе ја враќаме правната држава. Можеби 100 отсто од предметите ќе имаат иднина и ќе продолжат понатаму, а можеби 100 отсто ќе бидат уништени. Ниту јас, ниту Мицкоски не сме правници и не треба да дебатираме на овие теми, туку треба да дадеме иднина на предметите и процесите на СЈО, рече премиерот.

Во контекст на тоа, Заев рече СЈО треба да има иднина и тоа е замислено да биде дел од обвинителскиот систем во државата, да се задржи неговата финансиска независност и нивните капацитетите да јакнат.

-Ние мора да донесеме принципиелни одлуки. СЈО само во еден дел во неколку члена е разработено во законот за јавно обвинителство. Законот треба да го донесеме затоа што тоа им го должиме на граѓаните и е обврска, како пред нив и така пред државата, рече премиерот.

Сите знаеме, како што истакна Заев, дека користењето на незаконските прислушувани материјали заврши и оти СЈО ќе ја гони високата корупција и дека борбата против корупцијата е најважна и за европската интеграција, но и за граѓаните на државава.

МИА/Фото: Влада

ПОВРЗАНИ ВЕСТИ

Катица Јанева си поднесе неотповиклива оставка

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Кај тројцата новопочинати од коронавирусот евидентирана хронична и здравствени состојби

Редакција

МВР: Лажни се сите пријави за поставени бомби во училиштата во Скопје

Редакција

Нов позитивен случај на корона вирусот во штипска конфекција, која може да биде нов кластер

Редакција