Со Бугарија потпишавме договор за пријателство и соработка, а не за проблеми и јавни препукувања. Се договоривме дека заедничките моменти од минатото треба да нѐ спојуваат, а не да нѐ раздвојуваат, порача денеска преку својот Фејсбук профил премиерот Зоран Заев, по изјавата на неговиот бугарски колега, Бојко Борисов.
– Искуствата од историските комисии ширум светот и Европа покажуваат дека соработката бара време, труд, трпение, почит кон другиот и голема взаемна посветеност. Но, пред сѐ, потребна е заедничка идеја да одиме напред.
Ние знаеме дека таа идеја е жива и сме покажале дека за најделикатните прашања може да се најде заеднички јазик, ако се сака. За да успееме треба заедно да зрееме. Пријателството мора да биде двострано и взаемно, пишува Заев.
ПОВРЗАНИ ВЕСТИ
Бугарскиот премиер Борисов: Македонците треба да созреат за датум за преговори со ЕУ
„Бугарите викаат Гоце Делчев бугарски пасош имал“: Твитер реакции за Захариева
Бугарскиот вицепремиер Каракачанов: Скопје не сака да признае дека Гоце Делчев е Бугарин
Фото: Влада