Премиерот Зоран Заев денеска изјави дека се додека не се докаже вината на Катица Јанева, тој ќе ја почитува пресумпцијата на невиност и верува дека правосудниот систем ќе си ја заврши работата.
„Кога се работи за вакви личности, јавноста негува заинтересираност и Јавно обвинителство е должно да информира и да даде инфорамации дали Катица Јанева е злоупотребена или употребена.
Се додека не се докаже вината, јас ја почитувам пресумпцијата на невиност. Стојам зад личности кои во време кога само се шепотело, застанале храбро пред јавноста“, одговори Заев на новинарско прашање на прес-конференција во Владата.
Тој додаде дека не се слушнал со Катица Јанева, пред да ѝ биде одземен мобилниот телефон, како што објавија некои медиуми.
ПОВРЗАНИ ВЕСТИ
Фото: Влада