еМагазин
Image default
Македонија

Заев по средбата со Мицотакис: Преспанскиот договор ќе се спроведува со предвидената динамика

Грција ќе помогне да добиеме датум за почеток на преговорите со ЕУ, а спроведувањето на Преспанскиот договор ќе оди според предвидената динамика, изјави премиерот  Зоран Заев по средбата во Солун со грчкиот премиер Киријакос Мицотакис.

„Имплементацијата на Преспанскиот договор треба да оди со позитивната и предвидена динамика и ние работиме на двете страни буквално по ова прашање. Фокусот ни беше на Европскиот совет, одлуката која беше на Европскиот совет. Имав прилика од прва рака да добијам информација како се дискутирало, кои се очекувањата. Премиерот на пријателска Република Грција ќе се бори за нашата земја за конечно да го добие датумот за почеток на преговори и јас сум среќен поради тоа“, изјави вечерва по средбата премиерот Зоран Заев.

Премиерот, како што рече, ми образложи детално кои се неговите активности, планови, како да ги направи чекорите и да ни биде од помош.

„Зборуваме за граничните премини. Зборуваме дека е добро е што се гради преминот Маркова нога. Зборувавме дека меѓународната експертска група треба да продолжи со разговорите и состанокот за да ги најде решенијата прифатливи секако за двете страни. Верувам дека се наоѓа прифатливо решение за оваа работа, треба да ги продолжат разговорите, веќе комуницираат самите комори кои ќе бидат од голема помош. И знам дека ќе изнајдеме прифатливо решение кое навистина ќе биде за бизнисмените, за производителите, за компаниите, и од Република Северна Македонија и од Република Грција“, рече Заев.

Додаде дека зборувале да дадат насоки за нивните кабинети да продолжат во тој правец.

МИА/Фото: Влада

ПОВРЗАНИ ВЕСТИ

„Екатимерини“: Мицотакис побарал од Заев да се почитува Преспанскиот договор ако земјата сака во ЕУ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

ЕУ не признава бојкот: Хан побара политичките лидери да ја почитуваат одлуката на мнозинството

Никола Осило

Распишани претседателските избори, првиот круг е на 21.април

Редакција

Нови рочишта за „Титаник 2“ и „Тревник“: Обвинети Тачи, Мијалков, Латас

Редакција