Македонскиот премиер Зоран Заев во своето денешно, прво обраќање до македонската јавност, по изгласувањето на уставните измени, предвидени со Договорот од Преспа, со кој меѓудругото се менува името на Македонија во Северна Македонија, неколку пати го употреби „новото“ име, иако уште не е стапен во сила Договорот, кој треба да се ратификува и во грчкиот Парламент.
На новинарското прашање зошто го користи, одговори дека го прави тоа за да укаже на сериозноста на одлуката што е донесена во македонскиот Парламент.
„Да, спомнав, за да сфатат граѓаните, првин од устата на премиерот, за сериознаоста на одлуката што е донесена во нашиот Парламент. Договорот стапува во сила откако ќе биде ратификуван во грчкиот Парламент. Примената е јасно опишан внатре. За меѓународна употреба стапува веднаш, за домашна употреба со отварање на поглавјата не повеќе од пет години, е опишано детално. Но дефинитивно, тоа е решението кое го прифативме и кои ги отвора перспективите на целиот наш народ и нашата земја“, рече Заев.
ПОВРЗАНИ ВЕСТИ
Зборот Македонија во Уставот ќе биде спомнат само еднаш, Северна Македонија 287 пати
(Галерија) Заев и Ахмети заедно славеа за „Северна Македонија“
Фото: Влада