Премиерот Зоран Заев на денешната прес- конференција оспори само еден дел од трите разговори кои ги направил во текот на една година со руските комичари Владимир Кузенцов (Вован) и Алексеј Столаров (Лексус), кои лажно се преставуваат како поранешниот украински претседател Петро Порошенко и генералниот секретар на НАТО, Јенс Столтенберг.
Тој рече дека во разговорот со руските комичари има сериозни интервенции во контекст кој не е автентичен кога разговара за МПЦ со „лажниот“ Порошенко и рече дека неговите ставови за прашањето со МПЦ се потврдени.
“Еден дел за кој разговараме е автокефалност, сосема друг дел е колку треба да се поддржат верските заедници. Апсолутно не го сфаќам сериозно затоа што се зборува за 100.000 евра, а за мене тоа секогаш биле материјали, најчесто цигли, некојпат финансиски донации и слично и тоа бегло го поминувам…
Ме води чувството таков каков што сум. Во разговорот јас се смешкам дека е така, се разбира, зашто треба да се помага. Јас немам проблем да помагам за интерес на верските заедници.
Јас бев и на суд за градење црква во Струмица, моето семејство и лично јас имаме изградено 14 цркви и четири џамии. Помагам зашто тоа се божји домови, јас сум верник…“, рече Заев.
ПОВРЗАНИ ВЕСТИ
Заев: Жртва сум на својата отвореност и организирана структура која е против нашето членство на НАТО
Како руските комичари кои разговарале со Заев ги наоѓаат телефонските броеви на светските политичари
Заев на „лажните“ Порошенко и Столтенберг им дал телефонски броеви од Вес Мичел и Рамуш Харадинај
(АУДИО) Руски комичари три пати разговарале со Заев преставувајќи му се како Порошенко и Столтенберг
Фото: Влада