Во серијал, еМагазин Ве запознава со чуварите на јавните пари.
Директорот на Царинската Управа, Ѓоко Танасоски, според неговите колеги е одличен комуникатор.
Дипломирал и магистрирал на Машинскиот факултет на Универзитетот „Св. Кирил и Методиј”.
Завршил Master in Business Administration (MBA Executive) на Универзитетот Шефилд, Солун, Грција.
За време на средношколските и студенски денови активно се занимава со спорт како член на веслачкиот и ракометниот клуб од Охрид.
Интересен детал од неговиот приватен живот е дека е татко на две близначки, а и самиот тој има идентичен брат близнак.
На шега вели дека неретко е виден на две места во исто време.
За работата, вели дека има за цел да ја унапреди Царинската управа, до водечка управа во регионот.
“Од моето поставување како генерален директор на Царинска управа, заедно со моите соработници континуирано работиме во насока да ја направиме Царината водечка царинска администрација во регионот, која ќе биде силен поддржувач на легалната економија, целосно усогласена со стандардите на Европската Унија“, вели тој.
ПОВРЗАНИ ВЕСТИ
Запознајте ги чуварите на јавните пари: На директорката Лукаревска, УЈП и е втор дом
Како гледаат на соработката со Тевдовски, Лукаревска, Танасоски, Муареми и Трендафиловски
Фото: Влада/Царинска управа/Фејсбук/Танасоски