еМагазин
Image default
ТОП СТОРИИ ЧИСТА ОКОЛИНА

Заштитата на животната средина точка на дневен ред на Советот на безбедност идниот месец

Заштитата на животната средина за првпат ќе биде ставена како точка на дневен ред на идната седница на Советот за безбедност којашто ќе се одржи кон средината на декември 2019 година и на која ќе бидат поканети претставници на граѓанските организации, било ветено од страна на претседателот Стево Пендаровски на средбата со граѓанските организации за заштита на животната средина.

Пендаровски ја вратил Стратегијата за одбрана во постапка како стратешки документ, со цел во истата да бидат вклучени точки и мерки за еколошка безбедност.

Тој исто така ќе ја застапува идејата за зголемување на државниот буџет за заштита на животната средина со цел да се приближи кон просекот на земјите-членки на ЕУ и ќе даде поддршка за создавање на национален фонд за заштита на животната средина.

Заклучокот од средбата бил дека, во рамки на процесот на образовните реформи да се вметне задолжителен број на часови со цел едукација за учениците во основните и средните училишта да добијат образование за заштита на животната средина.

Во однос на барањето за ангажман на Армијата во справувањето со аерозагадувањето преку нивно вклучување во патроли и ноќни дежурства, Претседателот истакна дека внатрешниот ред во државата е надлежност на полицијата. Армијата, нагласи претседателот Пендаровски на средбата, веќе придонесува за заштита и за унапредување на животната средина преку низа активности, како што се засадување нови садници на опожарените места, расчистување на опожарените места, пошумување, расчистување на отпад од речни корита, селекција на отпад, активна обука и едукација на персоналот за грижа за животната средина.

Фото: Кабинет на претседателот

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Откриени 100 килограми марихуана и пиштол со пригушувач во камион на Табановце

Никола Осило

Тирана официјално потврди: Груевски преку Албанија заминал за Унгарија на 11 ноември

Никола Осило

Стимул за возење електрични возила

Редакција