Мнозинство од 81 пратеници вчера во македонското Собрание гласаа “за” за четирите уставни амандмани со кои меѓудругото се менува името на Република Македонија во Република Северна Македонија по стапување во сила на Договорот од Преспа, односно неговата ретификација во грчкиот Парламент.
Седницата, се одржа без присуство на опозициската ВМРО-ДПМНЕ, и немаше ниту еден глас против или воздржан.
Зборот Македонија во Уставот се спомнува 288 пати
Зборот Македонија во македонскиот Устав се спомнува вкупно 288 пати.
Промената на името на државата е предвидено со амандманот 33, во кој стои: Во Уставот зборовите „Република Македонија“ се заменуваат со зборовите „Република Северна Македонија“, а зборот „Македонија“ се заменува со зборовите „Северна Македонија“.
Зборот Македонија останува единствено во член 36 од Уставот.
Што пишува во член 36?
„Републиката им гарантира посебни социјални права на борците од Антифашистичката војна и од сите националноослободителни војни на Македонија, на воените инвалиди, на прогонуваните и затвораните за идеите на самобитноста на македонскиот народ и неговата државност, како и на членовите на нивните семејства кои немаат можности за материјална и социјална егзистенција. Посебните права се уредуваат со закон“, пишува во членот 36 од Уставот.
ПОВРЗАНИ ВЕСТИ
(Галерија) Заев и Ахмети заедно славеа за „Северна Македонија“
Детална листа: Кои пратеници изгласаа промена на името на државата во Северна Македонија
Фото: Влада