Државниот завод за статистика врз основа на податоците од Анкетата за приходи и услови за живеење која се спроведува во согласност со препораките на Европската унија, ги пресмета индикаторите за сиромаштија за 2017 година.
Според податоците, во 2017 година, стапката на сиромашни лица во Република Македонија изнесуваше 22.2 % или 460.300 граѓани од вкупното население живее во сиромаштија.
Податоците на ДЗС откриваат континуиран пораст на бројот на сиромашни. Имено, во 2015 година оваа бројка изнесувала 445.200 лица, а во 2016 година 453.200 лица.
Анализирано по типови на домаќинства, стапката на сиромаштија на домаќинствата составени од двајца возрасни со две издржувани деца во 2017 година е 20 %.
Според најфрекфентниот статус на економска активност, стапкатата на сиромашни вработени лица е 9 %, додека стапката на сиромашни пензионери е 7.7 %.
Gini коефициентот (мерка за нееднаквоста во распределбата на приходите) изнесува 32.5 %.