еМагазин
Image default
Бизнис

Железницата остава простор со преговари да ги добие купените локомотиви од Кина

Во тек се преговори со кинеската компанија ЦРРЦ за исполнувањето на обврските од договорите за обнова на возниот парк со патнички гарнитури и локомотиви, а кои се однесуваат на техничките недостатоци на гарнитурите. Доколку преговорите не бидат успешни, како правна можност е започнување на арбитражна постапка пред Арбитражниот суд во Скопје, изјавија денеска од Железници на Република Северна Македонија – Транспорт.

Првата електрична локомотива од Договорот за набавка, како што укажуваат, пристигна во мај годинава. За да се добие дозвола за пуштање во сообраќај локомотивата треба да поседува Европски Сертификат за импероперабилност  (ТСИ Сертификат) и да биде извршен нејзин технички прием, согласно Техничката докиментација, од страна на МЖ Транспорт АД Скопје.

„До овој момент во МЖ Транспорт АД Скопје, се уште не е пристигната комплетната Техничка документација, а исто така локомотивата се уште не е обезбедена со тој Сертификат“, велат од железничкото претпријатие.

Оттаму информираат и дека не е извршен технички прием на пристигнатите две електро моторни гарнитури и четирите дизел моторни гарнитури поради тоа што се воочени одредени технички недостатоци, кои не го загрозуваат нивното учество во сообраќајот, при почнување на процедурата за технички прием.

Во мај годинава од Железници на РСМ соопштија дека го обновиле возниот парк со нова електрична локомотива од кинеската компанија ЦРРЦ и оти за пуштање во сообраќај на локомотивата е добиено решение од Управата за сигурност во железничкиот сообраќај.

– Локомотивата е дел од четирите електрични локомотиви што ќе пристигнат во текот на оваа година од производителот ЦРРЦ – Кина, а се дел од проектот за обновување на возниот парк на МЖ Транспорт АД-Скопје, финансиран од страна на ЕБОР и Владата, најавија тогаш од железничкото претпријатие.

Договорот за набавка на четирите електрични локомотиви беше потпишан во јануари 2017 година.

МИА

ПОВРЗАНИ ВЕСТИ

Железницата извиси за локомотивите од Кина: Владата бара арбитража

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

На што и колку пари потрошиле лани телевизиите Телма, Сител, Алфа, Алсат М и Канал 5

Редакција

Град Скопје троши за јавни набавки колку 46 други општини заедно

Редакција

Шпаркасе Банка ја објави понудата за одложување на отплатата на кредитните обврски

Редакција