еМагазин
Image default
Македонија

ЗНМ и СЕММ го осудуваат односот на министерката Мизрахи кон А1он

Здружението на новинарите на Македонија (ЗНМ) и Советот за етика во медиумите (СЕММ) реагираат на дрскиот однос на техничката министерка за труд и социјална политика, Рашела Мизрахи кон новинарите на А1он.

“Министерката упати демант до редакцијата полн со обвинувања и клевети поради текст со наслов „Мизрахи ја назначи советничката на Груевски за шеф на кабинет“ објавен од медиумот.

Во реакцијата, Мизрахи го обвинува медиумот за објавување на тенденциозен текст, полн со невистини и шпекулации, но таа суштински не ја демантира веста туку го квалификува и етикетира самиот медиум, изразувајќи несогласување со уредувачката политика и начинот на којшто е пласирана веста.

Дополнително, таа го обвинува порталот дека е на иста линија со политичката партија СДСМ, којашто дента имала соопштение на темата. Притоа, Мизрахи користи речник недоличен за еден министер, кој може да се разбере и како обид за вршење притисок врз медиумот и воведување на самоцензура.

Укажуваме дека доколку министерката смета оти некој новинар или медиум не ги почитувал професионалните и етички стандарди тоа може да го пријави во СЕММ или во Советот на честа при ЗНМ, како две саморегулативни тела.

ЗНМ и СЕММ остануваат на апелот до јавните функционери, а особено до претставниците на Владата, да се воздржат од етикетирања и неосновани деманти што на кој било начин можат да бидат протолкувани како закани и обид за влијание врз уредувачката политика на самите медиуми“, велат од здруженијата.

Фото: Фејсбук/Мизрахи

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Траекторија“ продолжува на 5 март, одбраната бара СМС пораките да не бидат доказ

Редакција

Кој е Никита Шекутковски, еден од кандидатите на ВМРО-ДПМНЕ за претседател на државата

Редакција

(ВИДЕО) Изјавата на Заев за македонскиот јазик која ја „покачи“ температурата во Грција

Редакција