Вчера се одржа новогодишниот коктел на Клубот на почесни конзули.
Покрај членовите на клубот – почесните конзули на странски држави во Македонија, на настанот присуствуваше и министерот за надворешни работи и надворешна трговија, Тимчо Муцунски.
Тој ја нагласи значајната улога која ја имаат почесните конзули во одржувањето на севкупните односи помеѓу земјите кои ги претставуваат и Македонија. Притоа, министерот Муцунски уште еднаш ја реафирмираше својата поддршка и поддршката на институцијата со која раководи – Министерството за надворешни работи и надворешна трговија за Клубот и неговите членови.
На настанот свои кратки обраќања имаа и претседателот на клубот, Ајдован Адемоски, почесен конзул на Турција, како и генералниот секретар на клубот, Марко Андонов, почесен конзул на Грузија.
Притоа, беа истакнати активностите и достигнувањата на Клубот во тековната година, акцентирајќи го приемот на Клубот на почесни конзули како полноправна членка на FICAC – меѓународната федерација на почесни конзули, како и дел од активностите кои се планирани да се реализираат во текот на 2026 година.
