Една од најатрактивните и најпрепознатливи туристички дестинации кај нас – Grizzly Igloos, информира дека Grizzly го презема и целосно трансформираше поранешниот ресторан Аурора Козјак, кој сега прерасна во Grizzly Планински Еко Центар, место каде природата, забавата и едукацијата се спојуваат во уникатно планинско доживување.
-Овој нов центар претставува природно проширување на оригиналната понуда на Grizzly, која досега беше позната по впечатливите иглоа. Сега, Grizzly нуди целосно ново искуство за посетителите од сите возрасти – од одмор и рекреација, до авантура и учење во природа, велат од таму.
Во склоп на Центарот ќе има и детско игралиште и мини зоолошка градина, како и нов ресторан, бар, дизајнирани со планински амбиент и локални вкусови.
Тука ви се и уредените пешачки патеки низ живописната природа на Козјак, а може да се одморете во партнерските зони со клупи и поглед на езерото.
По повод отворањето на Grizzly Планинскиот Еко Центар е организиран голем дводневен настан, утре и во недела, полн со забава, музика, активности и изненадувања.
Почетокот е од 12:00 часот напладне, а влезот е слободен.
