По 14 години присуство во регионот, денеска Al Jazeera Balkans ги емитуваше последните вести од студиото во Сараево.
Двете новинарки, дописнички на „Ал Џазира Балканс“ од Скопје, Маја Блажевска Евросимоска и Милка Смилевска се заблагодарија за можноста да се работи за оваа телевизија и долгогодишното искуство.
„Благодарам Ал Џазира Балканс за исполнетите 14 години. Од дескот во Сараево, до враќањето на терен во Скопје и можноста да ги направам сите стории, да известувам од најважните самити, изборите во регионот, да ги интервјуирам луѓето кои го менуваат светот. Беше чест да се работи според највиски стандарди и со беспрекорни професионалци,“ напиша Блажевска Евросимоска на социјалните мрежи.
Смилевска вели дека имала огромна привилегија 14 години да работи со професионалци, почитувана, заштитена и финансиски наградена.
„Чувствувам голема благодарност и среќна сум за секој ден искуство и работа.На сите што не гледавте, ви благодарам за довербата. Се трудевме најдобро што знаеме,“ пишува Смилевска.
Освен во Скопје, се затвораат и дописништвата на катарската телевизија во Белград, Загреб, Подгорица, Љубљана, Приштина како и во Лондон.
ПОВРЗАНИ ВЕСТИ
„Ал Џезира Балканс“ се гаси, се затвора и канцеларијата во Скопје
