Инфлацијата повторно расте. Државниот завод за статистика соопшти дека трошоците на животот во мај годинава, во однос на мај лани се зголемени за 3,3%, а индексот на цените на мало бележи зголемување од 1,6%.
Зголемувањето на трошоците за живот во периодот од април до мај годинава е најголемо во секторот Храна и безалкохолни пијалаци, за 4,1%.
Зголемувањето има и во секторите Разновидни стоки и услуги, за 1,5%, Алкохолни пијалаци, тутун и наркотици, за 0,8%, Облека и обувки, за 0,5%, Рекреација и култура, за 0,4%, Мебел, покуќнина и одржување на домаќинствата, за 0,3% и Здравје за 0,1%.
Намалување на трошоците на животот, пак најмногу има кај секторот Транспортот, од 3,6%.
