Истражувањето на Центарот за граѓански комуникации (ЦГК) покажа дека лани 80. општини и Градот Скопје склучиле вкупно 4.006 договори за јавни набавки во вредност од 190 милиони евра.
ПОВРЗАНИ ВЕСТИ
Како и во последните две години, листата од првите 10 фирми со најголема вредност на тендери кај општините, и во 2024 година ја предводи Енерџи Деливери Солушнс (ЕДС) Скопје, којашто има склучено 42 договори со 38 општини и Градот Скопје, вредни околу 8,1 милиони евра.
ПОВРЗАНИ ВЕСТИ
Топ 10 фирми со најголема вредност на договори за јавни набавки во општините
Која е Енерџи Деливери Солушнс
Енерџи Деливери Солушнс АД Скопје е регистрирана во 2012 година како компанија за трговија со електрична енергија на домашниот големопродажен пазар. Истата ја основаше и управуваше македонскиот бизнисмен Кочо Анѓушев.
Во февруари 2014, ЕДС се стекна и со лиценца за снабдување со електрична енергија на малопродажниот пазар.
Во текот на 2018 година, ЕДС беше продадена, и стана дел од групацијата Public Power Corporation (PPC SA) од Грција и за кус период ја заврши својата голема трансформација во акционерско друштво (во 100% сопственост на PPC SA) со основачки капитал од 5,5 милиони евра.
Александар Сарџовски е генерален извршен директор на ЕДС од октомври 2024 година. Претходно беше директор за продажба во А1 Македонија, а во кариерата бил на раководни позиции во ЕСМ и МЕПСО, како и во Надзорниот одбор на ЕЛЕМ.
Финансиски директор е Илијас Тсоукалас, магистер на економски науки, со над 20 години искуство во областа на менаџирање со капитал, буџетирање и контрола, финансиски надзор и инвестициони банки.
Која е PPC SA
Грчката национална компанија за производство на струја PPC SA е една од најголемите компании во Југоисточна Европа од областа на енергетиката, со вкупна актива од повеќе од 15 милијарди евра и годишни приходи од над 5 милијарди евра.
Основната дејност на PPC SA е производство, дистрибуција и снабдување со електрична енергија во Грција за 7,3 милиони потрошувачи и има пазарен удел од околу 85%.
PPC SA е сопственик и на Хедно, која ја врши дистрибуцијата на струјата до потрошувачите во Грција, како и на PPC Обновливи извори – една од компаниите пионери во Европа за производство на електрична енергија од обновливи извори.
