Традиционалниот концерт на Македонска филхармонија во Градски парк, ќе се одржи во петок, на 13. јуни со почеток во 20.30 часот, информираат од таму.
Концертот е насловен „Фантазија“, а на програмата ќе биде музиката од анимирани филмови од продукцијата на „Дизни“.
Диригент на концертот ќе биде Тимоти Редмонд од Велика Британија, а како солисти ќе настапат сопранистката Биљана Јосифов, тенорот Денис Димоски и бас баритонот Иван Наумовски.
Филхармонија ќе изведе музика од најубавите анимирани филмови, преку избор на композиции од „Малата сирена“, „Убавицата и ѕверот“, „Херкулес“, „Покахонтас“, „Аладин“, „Книга од џунглата“, „Снежно кралство“, „Кралот лав“, „Приказна за играчките“…
Фото: Unsplash
