Од Излет кафе, едно од најкултните кафулиња во Скопје информираа дека местото се затвора на 1. јануари.
Излет кафе беше отворено на 31. мај 2009 година, а таму не ги наведуваат причините.
-Тука настапија скоро сите дџ-еи и музичари на различни стилови музика од Македонија и голем дел од странство…
Излет беше место за воздигнување млади и нови артисти… Исто така Излет кафе беше во длабока конекција со култниот и легендарен ноќен клуб Сектор 909… Не постоеше артист кој не го посетил Излет што настапил во Сектор 909…
Ова се некои од странските артисти кои имаат настапено во Излет: Derrick May, Gary Martin, Ian Pooley, Soichi, Thomas Neuman, Spencer Parker, Love Foxy, Mark Broom, Abu Haqq, Radio Slave, Funk D’Void, Nino Shebelic, Detroit in Effect и други.
Од Излет кафе произлезе и Izlet Music лабел (Излет мјузик), кој направи светски достигнувања… Излет мјузик ги претстави следните проекти: Derrick May и Македонска филхармонија Охрид 02.08.2014 година,
следеа настапи со истиот проект во: Gent- Белгија, Nica/Paris/Metz, Франција, Мелбурн, Австралија, Лондон, Велика Британија, Детроин, САД, Приштина, Косово…
Излет мјузик го претстави и проектот со Juan Atkins и Београдски симфониски оркестар “The Originator” со истиот проект се настапи во Грузија и Охрид антички театар…
Овие проекти ќе бидат засекогаш запаметени во светската музичка историја, тоа е нашата нескриена гордост…
Голема благодарност до сите инволвирани изминативе години“, напишаа од таму на Фејсбук.
Фото: Излет
