Во второто тримесечје од 2025 година најмногу работници биле барани во услужните дејности и продажбата, соопштија од Државниот завод за статистика.
Стапката на слободни работни места во второто тримесечје од 2025 година изнесува 2.08%, а најголем број на слободни работни места, 2.008, има во петтата група занимања: Работници во услужни дејности и продажба.
Југоисточниот Регион има највисока стапка на слободни работни места од 2.54%.
Највисока стапка на слободни работни места од 3.77% има секторот Објекти за сместување и сервисни дејности со храна, додека најмала е стапката во секторот Јавна управа и одбрана; задолжително социјално осигурување, во кој изнесува 0.36%.
Деловните субјекти со број на вработени од 10 до 49 лица имаат највисока стапка на слободни работни места, која изнесува 2.69%.
Фото: Унсплеш
