Бројот на елени во Национален парк Галичица од 30 во 2019 година, денеска е зголемен на над 200, информираа од Паркот.
Оваа е резултат на функционирањето на репродуктивниот центар и на секојдневната грижа од страна на ренџерот Лазе, заедно со неговите помошници Јане и Кире, велат од таму.
Тие секојдневно се на терен – обезбедуваат храна и вода, вршат редовни контроли и се грижат за безбедноста и благосостојбата на елените.
Центарот, кој беше отворен во 2019 година е опремен и со видео-надзор камери, кои овозможуваат дополнителна, непосредна заштита и навремена реакција.
Фото: Национален парк Галичица/Фејсбук
