Во затворот Идризово денеска треба да почне судскиот процес за случајот „Адитив“.
Судењето ќе биде во дигиталната судница на затворот.
Како што е познато во случајот се работи за злоупотреби и перење пари при јавни тендери во врска со набавката на додатоци за јаглен за потребите на државното акционерско друштво Електрани на Северна Македонија (ЕСМ) – Подружница РЕК Битола и РЕК Осломеј.
Вкупно се обвинети 31 физичко лице и пет правни субјекти.
Меѓу обвинетите се и двајца поранешни директори на ЕСМ, Васко Стефанов, кој е во притвор, како и Васко Ковачевски, кој е во бегство.
Фото: Влада
