Од 24 до 28. декември, просторот пред арената „Борис Трајковски“ ќе се претвори во новогодишна идила – Winter festival, фестивал кој ќе го донесе духот на европските божиќни базари во Скопје.
„Посетителите ќе уживаат во топла празнична атмосфера, богата музичка програма, street food деликатеси, детски активности и тематски зимски забави.
На фестивалот ќе учествуваат врвни локални гастро брендови: Breadway, Jojo’s, Sorelle, Destan, Milkey, Oljo’s, La Pizza, Smash Burger, Crash Bar, Burger Slut, Сармата на Ивона, мини крофни и др.
Со мирис на зима, топла храна, празнични пијалаци како греени (вино, џин, ракија и пиво), чај и посебни фестивалски менија оваа зона ќе го направи Winter Festival срцето на градот,“ најавуваат организаторите.
Фестивалот ќе донесе цела плејада популарни диџеи, артисти и бендови кои ќе настапат во периодот од 24 до 28. декември како: The Ringtones, Куку Леле, Дуо Дис, Breakdown Band, Васил Ангелов со бенд, DJ Ivan, DJ Guardian, DJ Omimann, DJ Ficho, DJ Tina Mickovska, DJ Foodieman, DJ Mats, DJ Freeky, DJ Tami, DJ Bono.
Дополнително, на сцената ќе настапат и урбаните танчари Break a Leg, кои ќе донесат силна енергија и визуелен спектакл, а пак за најмалите Winter Festival ќе има: забави со маскоти, аниматори, интерaктивни детски активности и др.
Фестивалскиот простор ќе биде автентично уреден по пример на европските Божиќни базари со дрвени куќарки, голема елка, празнични украси, топол амбиент, светлосни инсталации, зимска декорација и магично празнично чувство кое ќе ве пречека на секој чекор, велат организаторите.
