Претседателот на опозициската СДСМ, Венко Филипче е во фокусот на јавноста и медиумите откако потврди дека имал златна виза за Обединетите Арапски Емирати (ОАЕ).
ПОВРЗАНИ ВЕСТИ
Филипче потврди дека има златна виза за Дубаи
Тврди дека не ја добил истата поради тоа што таму поседува недвижности или поради тоа што инвестирал таму, туку поради тоа што бил во напредна фаза за работа во болница во Дубаи.
Како се добива златна виза за Дубаи?
Согласно регулативите на ОАЕ, златна виза во Дубаи се добива ако таму инвестирате 550.000 американски долари или ако имате валидна лиценца за работа таму.
За да се добие валидна лиценца за работа во Дубаи, прво треба да ви биде призната дипломата од факултет, а вториот услов е да имате минимум пет години стаж во ОАЕ во дејноста за која сте квалификувани.
Кој може да добие златна виза во Дубаи?
Златната виза во ОАЕ им овозможува на странците долготраен престој од 10 години без потреба од локален спонзор, како и целосна сопственост врз бизниси на територијата на зедмјата.
Ваква виза може да добијат инвеститори, претприемачи, научници, талентирани професионалци, одлични студенти…
Визата ним освен регулиран престој им овозможува и право на работа и учење, како и можност да ги спонзорираат своите најблиски.
Носителите на „златна виза“ можат слободно да патуваат и да престојуваат надвор од земјата повеќе од шест месеци без да ја загубат визата.
ПОВРЗАНИ ВЕСТИ
Колку македонски државјани имаат имот во Дубаи
Во Дубаи има 52 македонски фирми
Фото: Влада