На денешната прес-конференција со високата претставничка на Европската унија (ЕУ) за надворешна и безбедносна политика Каја Калас, македонскиот премиер Христијан Мицкоски откри дека се согласил на заедничка билатерална средба на Македонија и Бугарија на маргините на Самитот на НАТО, кој ќе се одржи на 24 и 25. јуни во Хаг, Холандија, а на која ќе присуствуваат и преставници на ЕУ, НАТО и САД.
Тој се согласил за средбата на денешната средба со Калас, која не ја коментираше истата.
Засега нема реакции од Бугарија, а на истата доколку се случи, Македонија ќе ја преставува претседателката Гордана Сиљановска Давкова, а Бугарија, нејзиниот бугарски колега, Румен Радев.
На средбата според Мицкоски би требало да присуствуваат и претседателката на Европската комисија, Урсула фон дер Лајен, претседателот на Европскиот совет, Антонио Кошта, Калас, генералниот секретар на НАТО, Марк Руте, и претставник на САД.
Мицкоски кажа и дека оваа тема се отворила и при неодамнешната посета на Кошта на Македонија и дека веќе разговарал со Сиљановска Давкова.
ПОВРЗАНИ ВЕСТИ
Се работи на деблокирање на европскиот пат на Македонија, рече Калас од Скопје
За Украина во ЕУ има план Б, за Македонија нема
Фото: Влада