Јавна опомена од Македонската берза за 5 друштвa

На друштвата Герас Цунев Конфекција АД Струмица, Герас Цунев Трговија АД Струмица, МЗТ Пумпи АД Скопје, Факом АД Скопје и РЖ Интер-Трансшпед АД Скопје, котирани на Официјалниот пазар на Македонска берза АД Скопје, им се изрекува мерката јавна опомена преку интернет страната на Берзата поради необјавување на ревидирани финансиски извештаи за 2024 година заедно со годишниот извештај за работењето за 2024 година, усвоени од Собранието на акционери на друштвото во рокот пропишан со Правилата за котација, со што не постапиле согласно член 40, точка 1 од Правилата за котација, информираа од Берзата.