Од Институтот за јавно здравје (ИЈЗ) информираа дека годинава заклучно со 27. ноември, се регистрирани 38 нови лица со ХИВ/СИДА, што претставува инциденца од 2,1 на 100.000 жители.
Бројот на случаи годинава е помал за 25,5% споредено со истиот период лани кога беа регистриран 51 случаи.
Од годинешниве случаи, 15 се со место на живеење во Скопје, со инциденца од 2,5/100.000 жители.
Останатите случаи се регистрираат како спорадични случаи во 14 градови од Македонија.
Еден случај е странски државјанин.
Од нив 37 се од машки пол, еден од женски.
Просечната возраст на новите случаи е 35 години, во опсег од 23 до 64 година, а 73,7% од случаите се на возраст од 20 до 39 години.
Регистрирани се пет лица со хетеросексуална трансмисија и 29 лица од МСМ популацијата.
Годинава се регистрирани и осум смртни случаи поврзани со СИДА.
