Пратеникот на Левица, Сашко Јанчев, за кого Основното јавно обвинителство Скопје вчера поднесе обвинение за сообраќајната несреќа од 14. септември, во скопското село Марино, по која почина 16-годишниот Матеј Димовски, а неговата 13-годишна сопатничка беше тешко повредена, вели дека жали за случајот и меѓу друго посочува дека веднаш после несреќата пружил помош и повикал помош.
ПОВРЗАНИ ВЕСТИ
Обвинение за пратеникот Сашко Јанчев, за сообраќајката во Марино во која загина 16-годишно момче
„Не поминува ден да не помислам на ова. Веднаш после настанот пружив помош и повикав помош. Направив се што можеше да се направи. Морам да забележам дека брза помош чекавме цели 50 минути. Морам да забележам и дека јас сум единствен легален учесник во сообраќајот во таа несреќа“, стои во неговата реакција.
Меѓу друго посочува и дека власта го користела случајот за политичка пресметка и дека не бил пијан, дрогиран, дека не возел бесно и дека не возел ново возило. Неговото било старо 20 години.
Вели и дека не се повикува на неговиот пратенички имунитет, кој родителите на повреденото девојче неодамна од претседателот на Собранието, Африм Гаши, побараа да му биде укинат.
Тој е обвинет за за кривичното дело „Тешки дела против безбедноста на луѓето и имотот во сообраќајот“.
ПОВРЗАНИ ВЕСТИ
Ќе остане ли пратеникот на Левица, Сашко Јанчев без пратенички имунитет?
Почина 16-годишното момче кое со мопед удри во џипот на пратеникот на Левица, Сашко Јанчев
Фото: Фејсбук/Јанчев
