За женското здравје треба да се зборува отворено, одговорно и без стигма. Темите поврзани со телото, хормоните, репродуктивното и хормоналното здравје се суштински за квалитетот на животот на секоја жена.
Токму затоа во периодот од 8 март до 8. април, Клиника Жан Митрев ја спроведува кампањата „Здравје без стигма“, насочена кон подигнување на свеста и поттикнување јавен дијалог, опфаќајќи теми од разбирање на сопственото тело, преку репродуктивно и хормонално здравје, до долгорочна превенција, персонализирана грижа и одржување на здравјето низ сите животни фази, информираат од таму.
Во центарот на кампањата се специјално креирани промотивни пакети за женско здравје, осмислени да понудат навремена поддршка, рана детекција и сеопфатен пристап кон здравјето на секоја жена.
Пакетите се наменети како за жени кои сакаат да започнат со редовна превентивна грижа, така и за оние кои се наоѓаат во различни животни фази, од репродуктивниот период до перименопауза и менопауза и имаат потреба од стручна поддршка и темелна здравствена проценка на едно место.
Тие опфаќаат комбинација од гинеколошки прегледи, цервикален скрининг и хормонални анализи, како и дијагностички и лабораториски испитувања за проценка на хормоналниот статус, коскената густина и кардиоваскуларното здравје, овозможувајќи интегриран пристап кон превенцијата, следењето и унапредувањето на женското здравје.
Едукативната компонента е исто така значаен дел од кампањата. Во текот на месецот, преку каналите на социјалните мрежи на Клиника Жан Митрев ќе се објавуваат едукативни содржини и стручни совети од лекари и специјалисти, посветени на подобро разбирање на женското тело, хормоналните промени, репродуктивното здравје и значењето на редовната превенција.
На овој начин, кампањата има цел не само да поттикне преглед и навремена дијагностика, туку и да придонесе кон поголема информираност, самодоверба и отвореност во разговорот за теми што предолго биле занемарувани.
Дополнително, сите прегледи поврзани со женското здравје се достапни по промотивни цени во рамки на кампањата.
Деталните информации и цените за пакетите и прегледите се достапни на линкот.
Кампањата се реализира во годината кога Клиника Жан Митрев одбележува 26 години постоење, продолжувајќи ја традицијата на посветеност кон современа медицина, превенција и унапредување на здравјето на пациентите, посочуваат од таму.
