Судијката Диана Груевска Илиевска од одделот Кривично полнолетни во Основниот кривичен суд Скопје ќе го суди предметот за пожарот во т.н. дискотека „Пулс“ во Кочани, во кој загинаа 62, а беа повредени 203 лица.
Од Судот од каде претходно информираа дека во целост е одобрено обвинението за случајот, велат дека Груевска-Илиевска е судија со долг стаж, која имало постапувано во сите оддели на Судот.
Таа имала и 17-годишен стаж како стручен соработник.
Груевска Илиевска претседаваше со судечкиот совет во случајот „Ласкараци“, кој се однесува за автобуската несреќа во која загинаа 16 лица, а 37 беа повредени, беше делегирана и како член на судечкиот совет кој го судеше предметот „Организатори на 27 април“, а одреден период го судеше и предметот „Поткуп“ против поранешниот лидер на СДСМ и премиер, Зоран Заев.
ПОВРЗАНИ ВЕСТИ
Одобрено обвинението за пожарот во Кочани
