До 2028 година, Скопје, кога главниот град ќе биде европска престолнина на културата, ќе добие неколку мултифункционални центри, најави министерот за култура и туризам Зоран Љутков.
Вчера беше потпишан договор за реконструкција на мултифункционален центар во населбата Ново Лисиче, Општина Аеродром, вреден 99 милиони денари.
Министерството за култура и туризам досега потпишало 20-ина договори со повеќе општини низ државава за изградба на мултифункционални центри. Некои сега почнуваат да се градат или се во тек на изградба.
Мултифункционалниот центар во Ново Лисиче е на површина од 1.400 метри квадратни, а во него ќе има киносала со 245 столчиња, простор за изложби, како и канцеларии и соби за техника.
Фото: Општина Аеродром
