Ловџија од Кавадарци доживеал несреќа при лов односно паднал од карпа висока 150 метри и починал, информираат од ТППЕ-Кавадарци.
„Веднаш одговоривме на барањето и интервениравме со петмина пожарникари и опрема за работа на височина (алпинистичка опрема).
Со придружба од четворица припадници на МВР Кавадарци и двајца членови на фамилијата се упативме кон длабокиот и непристапен стрмен терен. За жал поради тоа што телото на нашиот сограѓанин се наоѓаше на непростапен и непрооден терен моравме да користиме опрема за алпинизам да се врзиме и обезбедиме меѓу себе да не дојде до дополнителни незгоди.
По целодневен напор на сите присутни по екстремно тешкиот терен на кој буквално спасувачите се движеа низ тесни и клизави карпи, телото успешно е извлечено од длабоката бездна и е предадено на органите за безбедност,“ се вели во соопштението.
Фото/ТППЕ-Кавадарци
