Сопственикот на Пуцко петрол, Асмир Јахоски, осомничен за случајот за злоупотреби при набавки на мазут за ТЕЦ Неготино, кој неодамна беше пуштен од притвор со гаранција од над 2 милиони евра, а му беше одземен пасошот и доби мерки на претпазливост се појави на фотографии објавени на Фејсбук од негов роднина, а направени во Истанбул, на кој е заедно и со татко му, Исмаил Јахоски, кој е пратеник на ДУИ.
Порталот Скопје 1 објави дека тој побарал времено да му биде вратен пасошот од надлежните институции, па така и отпатувал во Турција.
Нема информации кога времено му бил вратен пасошот и кога тој ќе се врати во земјата, имајќи предвид дека секој прв понеделник во месецот треба да се јави во судот, а тоа е денеска.
ПОВРЗАНИ ВЕСТИ
Газдата на Пуцко петрол, Јахоски, кој беше во Истанбул, се вратил во Македонија
Фото: Фејсбук/Алија Јаоски
