Известувачот на Европскиот парламент (ЕП) за Македонија, австрискиот европратеник Томас Вајц, кој е еден од европратениците кој предложи во Извештајот на ЕП за земјава да се споменат и македонскиот јазик и идентитет, но и еврокомесарката за проширување, Словенката Марта Кос, се цел на клеветничка кампања и закани од Бугарија.
ПОВРЗАНИ ВЕСТИ
Седумнаесете бугарски европратеници го обвинија Вајц за пристрасност кон Македонија, а како што објави европски Политико тој реагирал дека е на мета на закани од страна на бугарските европарламентарци и дека добил пораки со заканувачка содржина откако неговиот телефонски број протекол на бугарски екстремно-десничарски профили на социјалните мрежи.
Тој негира било каква пристрасност за Извештајот за Македонија.
Не е поштедена ни Кос, која смета дека Македонија и Бугарија треба да го решат билатералниот спор, за кој пак Бугарите велат дека бил европски.
За неа тамошните медиуми пишуваат дека е неспособна, а во фокус им се и нејзините наводни врски во минатото со поранешната југословенска служба за безбедност – УДБА.
Расправата за Извештајот за Македонија пред неколку дена беше презакажана за 24. јуни, а за истиот треба да гласа во јули.
Но, сега е можно овој извештај воопшто да не биде усвоен.
ПОВРЗАНИ ВЕСТИ
За 24. јуни одложена расправата за Извештајот на ЕП за Македонија
Што бараат бугарските и грчките европратеници да биде вметнато во извештајот на ЕП за Македонија
Бугарски европратеник со амандман го дефинира македонскиот идентитет и јазик како сегашен
Фото: Влада
