Од денеска, во Скопје, граѓаните ќе можаат да изнајмуваат електричен автомобил.
На стартот на овој проект на приватна фирма ќе можат да се изнајмуваат 100 електрични автомобили, а принципот на изнајмување е ист како и изнајмувањето на електричните тротинети.
Треба да ја симнете мобилната апликација avant2Go.mk, преку која ќe можете да се платите и изнајмувате автомобил.
Моментално возила има на располагање во општините Гази Баба, Чаир, Кисела Вода и Аеродром.
Возилата на „Avant2Go Car-Sharing“ ќе може да се изнајмуваат на поминат километар или изминато време.
Цените се движат од пет до шест денари за една минута во дневната тарифа и од два до три денари во ноќната тарифа или 22 денари за еден километар.
Минималната цена за изнајмување е од 149 до 199 денари, а максималната од 1.490 до 1.990 денари, во зависност од возилото.
Фото: Општина Аеродром/Дејан Митески
