Македонското Министерство за финансии поради корупцискиот скандал во Агенцијата за финансиска поддршка во земјоделството и рурален развој и истрагата за него, одлучи привремено да ги прекине исплатите од ИПАРД 3 програмата.
ПОВРЗАНИ ВЕСТИ
Поради истрагата за корупција, привремено стопирана исплатата на средства од ИПАРД 3 програмата
Зависно што ќе покаже истрагата, постои можност Европската унија (ЕУ) да ги стопира финансирањата во ИПАРД 3 програмата, а земјава да остане без 128 милиони евра
ИПАРД 3 е програма за периодот од 2021 до 2027 година, а целта на истата е модернизација на земјоделството, развој на руралните средини и поддршка на агробизнисите.
Во рамките на претходната програма, ИПАРД 2, беа реализирани над 2.300 проекти, што ја позиционираше Македонија како регионален лидер во искористувањето на европските фондови.
Овие пари се значајни за македонското земјоделство. Нивното стопирање може да предизвика забавување на модернизацијата во земјоделството, намалување на конкурентноста на домашното производство, намалување на вработеноста во руралните средини и сериозно поткопување на воведувањето на европски стандарди во земјоделството.
ПОВРЗАНИ ВЕСТИ
Илија Стоилев доби 30 дена притвор
За случајот се осомничени пет лица, меѓу кои е и директорот на Агенцијата, Илија Стоилев, кој заврши во затворски притвор.
Министерот за земјоделство, шумарство и водостопанство Цветан Трипуновски пак не чувствува никаква одговорност за овој случај и не планира да си даде оставка.
ПОВРЗАНИ ВЕСТИ
