Агенцијата за национална безбедност (АНБ) детектирала четири македонски државјани кои заминале на фронтот во Украина за да се борат на страната на Русија, информираа од таму.
За учество на македонски граѓани во војната во Украина на страната на Русија на крајот од минатата година соопштија и од Министерството за внатрешни работи (МВР). Тогаш од таму информираа за две лица кои учествувале во војната во Украина на руска страна, а во информациите беше спомнато и дека во борбите загинал и македонски државјанин.
Тие се пријавиле преку апликацијата „Телеграм“, а платата била 3.000 евра.
Во последните околу три години колку што трае војната во Украина, руските власти исто така објавија дека во војната на страната на Украина се бореле десетиции македонски државјани, а има и десетици загинати.
Македонските институции досега немаат соопштено официјални информации колку македонски граѓани во оваа војна се борат/бореле на страната на Украина и на страната на Русија.
Изминативе години, (и моментално), македонски државјани учестуваа и во неколку војни на Блискиот Исток.
Учеството во странска војска е кривично дело, а учесниците може да добијат најмалку четири години затвор.
Фото: Руско МО
