И покрај барањата на синдикалните организации за зголемување на минималната плата, Владата останува на ставот дека, законски утврденото усогласување во март останува единствениот одржлив и предвидлив механизам за раст на минималната плата.
„Ставот на Министерството во однос на минималната плата е јасен и заснован на официјални податоци. Инфлацијата покажува стабилизација, а законски утврденото усогласување во март останува единствениот одржлив и предвидлив механизам за раст на минималната плата“, изјави денеска министерот за економија и труд, Бесар Дурмиши.
На денешната петта седница на Економско-социјалниот совет (ЕСС), се разговарало за клучни прашања поврзани со пазарот на труд, животниот стандард и социјалниот дијалог, посочуваат од Министерството.
