Нашиот пријател, легендата на теренската и социјална работа со најранливите категории на граѓани и човекот со големо срце – Жарир Симрин, ја води својата најтешка битка, информираа од Хопс.
-Жарир е тивкиот херој на Скопје. Тој никогаш не прашуваше „кој си“, „што си“, туку секогаш „како да ти помогнам?“. Тој беше тука за невидливите луѓе од маргините, тогаш кога сите други ја вртеа главата. Со својата стручност и огромна пожртвуваност, тој буквално има спасено стотици животи по скопските улици, давајќи им шанса на оние на кои никој не им даваше.
Срцето кое повеќе од 25 години неуморно чукаше за другите, сега има потреба од наша помош. Жарир доживеа тежок срцев удар (акутен инфаркт). Благодарение на брзата реакција на лекарите, направен е итен зафат и вграден му е стент.
Сега, судбината го стави него во позиција да бара помош. Потребни се итни 90.000 денари за да се покријат трошоците за интервенцијата и болничкото лекување, средства кои тој во моментов ги нема.
Ве молиме споделете и донирајте колку можете.
Да не дозволиме човекот кој даваше сè за другите, сега да остане сам, се вели во апелот.
ПОДАТОЦИ ЗА УПЛАТА:
Цел на дознака: Донација за Жарир
Примач: Драгана Јосифовска
Банка: НЛБ Банка
Жиро сметка: 210501585798438.
Фото: Унсплеш
