Најмалку 40 деца од одделенска настава во основното училиште „Димо Хаџи Димов“ во скопската општина Карпош се затруле најверојатно од храна.
Дел од медиумите објавија дека бројката е поголема, а порталот Нет прес објави дека помеѓу затруените деца е и помалиот син на премиерот, Христијан Мицкоски. Тој бил хоспитализиран во болница со симптоми на труење и зголемена телесна температура и моментално е во подобра здравствена состојба.
Храната децата ја консумирале во текот на вчерашниот ден на училиште.
Државниот санитарен и здравствен инспекторат (ДЗСИ) ја затвори кујната, а наредено е и вонредно чистење и вонредни здравствени прегледи на вработените во училиштето. Земени се мостри и од работните површини.
Фото: Фејсбук/„Димо Хаџи Димов“
