С.Љ. – осомничен за физички и вербален напад врз градоначалничката на Град Скопје, Данела Арсовска, од куќен притвор е спроведен во ефективен во Шутка.
Основниот кривичен суд Скопје му одреди осумдневен куќен притвор на С.Љ, но по жалба на Обвинителство Кривичен совет ја коригираше првичната одлука на судијата на претходна постапка.
„Кривичниот совет на Основниот кривичен суд Скопје, постапувајќи по жалба на Основното јавно обвинителство Скопје поднесена против решение на судија на претходна постапка од 12.07.2025 година, донесе решение со кое жалбата е основана и мерката куќен притвор за осомничениот С. Љ. ја замени со мерка притвор.
Тричлениот Кривичен совет оцени дека во конкретниот случај постојат околности дека осомничениот може да побегне или да го повтори делото, поради што му определена мерката притвор во скратена постапка “, соопштија од Кривичен суд.
На второосомничениот, Судот му одреди мерки на претпазливост.
ПОВРЗАНИ ВЕСТИ
За нападот на Арсовска приведени две лица
Куќен притвор и мерки на претпазливост, одреди Судот за напаѓачите на Арсовска
Фото/Unsplash
