Од Основното јавно обвинителство информираа дека е поднесено обвинение за 34 физички и три правни лица за пожарот во т.н. дискотека/кабаре “Пулс“ во Кочани, во кој загинаа 62, а беа повредени 203 лица.
ПОВРЗАНИ ВЕСТИ
Кој сè е обвинет за пожарот во Кочани
За 11 лица, пак, кои беа осомничени за трагедијата, е запрена постапката, бидејќи засега немало доволно докази.
Постапката е запрена и за Владимир Блажев Панчо од групата ДНК, која имаше концерт во т.н. дискотека/кабаре кобната ноќ, а тој е осомничен дека ја внел пиротехниката. Постапката за него е запрена додека е на лекување.
Запрена е постапката и за Александар Карадаковски, управителот на хартија на фирмата ММММ Кафе, на која била издадена спорната лиценца за т.н. дискотека/кабаре. Тој почина додека се лекуваше во Литванија. Работел во т.н. дискотека/кабаре како шанкер, а вистинскиот управител бил всушност првообвинетиот Дејан Јованов – Деки.
ПОВРЗАНИ ВЕСТИ
Сите обвинети градоначалници за пожарот во Кочани бизнисмени
Кои поранешни градоначалници на Кочани се обвинети за пожарот
Кои поранешни министри се обвинети, а кои не за пожарот во Кочани
Фото: ДНК/Фејсбук
