Премиерот Христијан Мицкоски денеска информираше дека почнуваат подготовки за третата фаза од изградбата на железничката пруга од Коридорот 8, на делницата од Куманово до Бугарија.
Кажа дека се надминати сите пречки коишто во минатото го кочеле процесот, а била постигната и согласност со Бугарија.
Македонија ќе добие техничка поддршка од Европската инвестициона банка, за ревизија на основниот проект и на целосната документација, како и за објавување на јавниот повик за изградба и на третата фаза.
Третата делница од пругата кон Бугарија, од Крива Паланка до бугарската граница, е во должина од 23,4 километри со планирани 22 тунели, од кои и меѓуграничен, како и 52 моста.
Првата делница од пругата кон Бугарија беше пуштена во јануари годинава, а на втората се завршени 30% од градежните работи.
Премиерот информираше и дека во напредна фаза бил и проектот со Владата на Обединетото Кралство за Коридорот 10.
Фото: Влада
