Вчера во македонското Собрание со 76 гласа „за“ беше изгласан Законот за ратификација на договорот помеѓу владите на Македонија и Обединетото Кралство на Велика Британија и Северна Ирска.
ПОВРЗАНИ ВЕСТИ
Во Собранието изгласан Договорот со Обединетото Кралство
Како што е познато Македонија ќе позајми 6 милијарди евра од Обединетото Кралство, а Законот ги откри и другите проекти за кои ќе бидат инвестирани овие пари.
Со заемот ќе се прави и реконструкција на Универзитетскиот клинички центар, градски болници во Скопје и во регионот Охрид – Струга.
Исто така, новина е и финансирање на Транспортниот Коридор 8, како и инвестиции во сајбер безбедноста и дигитална трансформација.
Од порано е познато дека пари ќе се трошат и за брзата железница Гевгелија – Табановце, болниците во Штип, Тетово и Кичево и хидроцентралите Чебрен и Галиште.
Во договорот е наведено дека рамката за соработка ќе трае 10 години.
Засега останува непознато колкава ќе биде каматната стапка за заемот и грејс периодот. Познато е дека таа ќе биде различна за секој проект.
ПОВРЗАНИ ВЕСТИ
Колку ќе изнесува каматната стапка за заемот од Обединетото Кралство
